Notification

Posts By: Jan Guth

BESA Book Folding

Upcycling mat Bicher

Fir d’Rentrée culturelle 2020 huet d’Escher Bibliothéik zesumme mam Yasmine Offermann zwee Atelieren ugebueden fir d’Grondtechnike vum „Book folding“ ze léieren. Dës Konschtform erlaabt et Bicher, déi net méi gelies oder ausgeléint ginn, e neit Liewen ze schenken.

Am Respekt vun de COVID-Mesure konnte jeeweils 5 Participanten un den Atelieren deelhuelen. Béid waren ausgebucht an et gouf konzentréiert a mat opmierksamer Begeeschterung gefaalt.

Escher Familljendag

D’Famill an all hirer Diversitéit

Déi éischt Editioun vum Escher Familljendag stoung ganz ënnert dem Zeeche vun der Diversitéit, der Gesellegkeet an dem Austausch tëschent de Generatiounen. Eng flott Initiativ fir déi modern Famill, ënnert all hire verschiddene a net konventionelle Formen, ze feieren. Ob elengerzéiend, adoptéiert oder LGBT : All Famill ass ënnerschiddlech an eenzegaarteg, a genau dat mécht Esch esou villfälteg a lieweg.

Fir den Optakt vum éischte Familljendag ware mär mat engem Stand op der Brillplaz vertrueden. Zesumme mat de LGS – Scoute St. Joseph Esch/Alzette hu mer dräi Ateliere proposéiert wou d’Familljen hiren eegene Stammbam mat vill Begeeschterung konnte bastelen. Wat mécht hir Famill aus? Wat wier hire eegene Familljemotto? Schnell huet sech aus dem Austausch tëschent de Familljememberen erginn, dass net ëmmer Blutt eleng eng Famill ausmécht, mä de Begrëff sech och op Frënn oder souguer Hausdéiere ka bezéien.

Wéi bei ville vun eisen Aktivitéiten déi mär ausserhalb vun eise Maueren organiséieren, war och de Bibliambule, e richtege Bléckfang, mat dobäi. D’Familljen hunn et sech trotz groem a kalem Wieder net entgoe gelooss fir sech an den Hängematte bequem ze maachen an an de verschiddene Bicher ronderëm d’Thema Famill gemittlech ze stöberen.
E gelongene Startschoss fir den Escher Familljendag mat ville stralenden a zefridde Familljen déi dat schlecht Wieder ganz schnell vergiess gemaach hunn.

Nuit de la Culture 2020

Pour la 9e édition de la Nuit de la Culture les deux institutions culturelles eschoises Bibliothèque municipale et Conservatoire de Musique se sont associées pour proposer une lecture-concert reprenant quelques-unes des plus belles mélodies du mythique studio japonais Ghibli, primé aux Oscars et à l’origine de films d’animation tels que Mon voisin Totoro, Kiki la petite sorcière ou Le Château ambulant, adaptés des grands classiques de la littérature japonaise et occidentale. Les machines volantes et séquences aériennes caractérisent les films de Hayao Miyazaki, réalisateur emblématique du studio d’animation, et correspondent ainsi parfaitement à la thématique de cette Nuit de la Culture, « Prendre l’air ». La lecture en trois en trois langues, en allemand, français et anglais fut présentée par l’artiste Leila Lallali, tandis que l’encadrement musical sera assuré par les musiciens du Conservatoire. Cette rencontre unique entre littérature et musique a plongé les spectateurs de la soirée dans l’univers enchanteur et poétique du studio Ghibli.

Ofschloss-Feierlechkeete vum Centenaire

Virun 100 Joer – den 2. Mäerz 1920 – sinn d’Diere vun der Gemengebibliothéik vun Esch offiziell opgaangen. Genau 100 Joer méi spéit, den 2. Mäerz 2020, stoung den Ofschloss vum Centenaire vun der Escher Bibliothéik aus dësem Grond ganz am Zeeche vun enger „Journée Portes Ouvertes“.

D’Villa Deitz, déi d’Bibliothéik zënter 1946 beheemegt, gouf fir dësen Dag extra erausgefiizt an dekoréiert. E neie Banner vir um Balcon huet d’Gäscht begréisst, Loftballonen un der Paart hunn hinnen de Wee gewisen, Loftschlaangen hunn d‘Trapenhaus verschéinert an op der Pinnwand am Gank huet eng Liichterketten d‘Fotoen aus deene vergaangenen 12 Méint presentéiert.

Den Ufank vum Dag huet eng „Mystery-Liesung“ gemaach: Fir déi jonk Nowuessdetektive gouf et e besonnesch urgente Fall ze léisen: eisen Erzéier a Photograph Jan gouf gekidnapped! Séier hunn sech kleng Gruppe gebild, déi mat detektiveschem Geschéck iwwerall an der Bibliothéik no Indice gesicht hunn. Duerch d‘Mathëllef vum Pirat Georges, dem Sandra Holmes an dem Kim Watson konnt de Fall Gott sei Dank a kierzester Zäit geléist an de Jan erëmfonnt ginn.

Um 1. Stack gouf wärenddeem e Manga-Workshop vun der lëtzebuerger Mangaka Sabrina Kaufmann ofgehalen. Mat gespëtze gouf gezeechent an e puer original japanesch Snacks hunn de Cours verséisst.

De ganzen Dag iwwer war d’Bibliothéik zu hire gewinnten Ëffnungszäiten op. Nieft den übleche Medien a Servicer konnten d’Notzer awer och dovunner profitéieren eist BESA-Kannerbuch ze entdecken a bei enger Tombola matzemaachen, bei där et flott Präisser ze gewanne gouf. Op eisem Themendësch ware fir dësen Dag Wierker vun den Auteuren a Kënschtler ausgestallt, déi Deel vun de Centenaires-Aktivitéite waren.

E weidere Programmpunkt war e Virtrag vum Zeechner Andy –ND!- Geenen, deen e Bléck hannert d’Kulisse vun der Bande Dessinée geworf huet. Wärend d’Nolauschterer nom Virtrag nach mam Andy gefachsimpelt hunn, gouf bausse vum Liessall schonn de Catering prett gemaach. Ausserdeem huet sech d’Band Zero Point Five opgebaut a prett gemaach.

Zum Ofschloss vum Owend war et Zäit fir de Vernissage vun enger neier Expo an der „Galerie am Trapenhaus“, déi zesumme mam Photo Club Esch entstanen ass. Domadder gëtt d’BESA dann och den Zepter wieder un e weidert honnertjäregt Gebuertsdagskand.

Zesummen huet d’Team vun der Bibliothéik (fir dësen Dag a fonkelneien, personaliséierten Tshirten an Hoodien erausgefiezt) de Gebuertsdagskuch ugeschnidden. An dono gouf mat alle Notzer gefeiert.

Zu gudder Lescht ass dësen Ofschloss och eng Plaz fir Merci ze soen: Merci jidderengem, deen eis am Laf vun dësem Centenaire begleet huet an en Deel dovunner war, egal op wéi eng Manéier. Et war e spannend Joer mat villen neien Aventurens an Erausfuerderungen.

Mär hoffen, dass et Iech gefall huet an hoffen Iech geschwënn bei eis an der Escher Bibliothéik erëm ze gesinn!

Merci!

Alexa, Georges, Jan, Kim, Daniela, Sandra & Tami
BESA-Team 02/03/2020

Pressekonferenz BESA-Kannerbuch

D’Escher Bibliothéik huet an Zesummenaarbecht mat Zoom Éditions e Kannerbuch presentéiert. Am Kader vum Ofschloss vum Centenaire gëtt dëst Buch, wat a 4 Sproochen erhältlech ass an d’Bibliothéik op eng spilleresch, witzeg a pedagogesch Aart a Weis duerstellt, un 367 Escher Schüler vum Cycle 3.1. verdeelt. Et wäert och ab dem 2. Mäerz an der Bibliothéik disponibel sinn.

Vum Claudine Furlano illustréiert, erméiglecht d’Buch de jonke Lieser d‘Bibliothéik op eng spilleresch, witzeg a pedagogesch Aart a Weis ze entdecken. De Jippy (Kuerzform vum Jean-Pierre Theisen), sënnbildlech Figur vun der Bibliothéik, féiert d’Kanner duerch déi verschidde Raimlechkeete vun der Bibliothéik an erkläert hinnen de Fonctionnement. E Virwuert vum Historiker Dr. Vincent Artuso illustréiert d’Iddi op déi d‘Bibliothéik opgebaut gouf an déi och no 100 Joer nach ëmmer aktuell ass: am Liewe gëtt ee besser eens, wann ee virwëtzeg bleift!

Soirée de poésie

Le ciel est glauque, la pluie ruisselle inlassablement, le froid s’invite dans chaque recoin de la maison et de l’âme : c’est dans ces moments-là qu’on se met à rêver de lointaines contrées ensoleillées, de plages de sable fin et de la mer bleu azur.

La soirée de poésie avec l’auteur eschoise Mariette Fiorese a permis de réaliser ce désir d’évasion. Les assoiffés de soleil ont répondu nombreux à cet appel, désireux d’échapper, pour quelques instants, au froid et à la grisaille de l’hiver.

Les sons de la guitare et de la mandoline du duo de musiciens Mari Fe Pavón et Juan Carlos Muñoz ont parfaitement harmonisé avec la poésie vibrante et émouvante de Mariette Fiorese. La première partie de la soirée en langue française a permis aux visiteurs, voyageurs et autres vagabonds de l’âme, de se balader en compagnie des artistes, tandis que la lecture espagnole, rythmée aux sons de la mandoline, nous a transporté dans des contrées inconnues et lumineuses, a fait vibrer nos cœurs et notre âme.

Avec une telle atmosphère, même la pluie se vit vaincue, ne fût-ce que pour une seule soirée…

El cielo está turbio, la lluvia gotea sin cesar, el frío se invita a cada rincón de la casa y del alma: es en estos momentos que comenzamos a soñar con regiones lejanas y soleadas, arena fina y mar azul. La velada de poesía con la autora Eschoise, Mariette Fiorese, permitió hacer realidad este deseo de escapar. Muchos sedientos de sol respondieron a esta llamada, ansiosos por escapar, por unos momentos, del clima frío y sombrío del invierno. Los sonidos de guitarra y mandolina del dúo musical Mari Fe Pavón y Juan Carlos Muñoz armonizaron perfectamente con la poesía vibrante y conmovedora de Mariette Fiorese. La primera parte de la noche en francés permitió a los visitantes, viajeros y otros vagabundos del alma, pasear en compañía de artistas, mientras que la lectura en español, puntuada por los sonidos de la mandolina, nos transportó a países desconocidos y brillantes, hizo vibrar nuestros corazones y nuestras almas. Con tal atmósfera, incluso la lluvia fue superada, aunque solo fuera por una noche …

Graphic Novel Brunch

Dass „Bandes Dessinéen“ – kuerz „BDen“- bei Wäitem net nëmme fir Kanner geduecht sinn, mee och usprochsvoll Sujeten, déi eng déifgrënneg Recherche an Opbereedung brauchen, kënne behandelen, dovunner konnt ee sech e Sonnden,  de 15. Dezember, an der Escher Jugendherberg iwwerzeegen. Hei huet de fir d’Joer 2019 de leschten Event am Kader vum Centenaire vun der Escher Bibliothéik stattfonnt.

Den Zeechner Marc Angel huet et vum éischte Moment un verstanen, d’Zuschauer ze begeeschteren, dëst net nëmmen duerch säi lockert Optriede mee virun allem duerch seng immens pakend Aart a Weis fir iwwert seng Aarbecht ze schwätzen.

Dobäi gouf et vill Neies ze léieren: sou zum Beispill, dass déi wierklech Action sech an de wäisse Sträifen tëschent den Zeechnungen ofspillt an bei enger historescher BD op d’Genauegkeet vun den historesche Fakte vill Wäert geluecht gëtt, fir Anachronismen ze vermeiden.

De Marc Angel, deem säi Buch „De Jas“ elo och bei engem däitschen Editeur publizéiert gouf, huet unhand vun diverse Skizzen d’Evolutioun vu senge Wierker anschaulech erklärt an d’Defi’en wéi och de Facetteräichtum vu senger Aarbecht presentéiert.

No dësem Exposé mat uschléissender Diskussiounsronn, konnt sech de Public vum Brunch zerwéieren an ënnertenee fachsimpelen oder dovunner profitéieren sech vum Marc Angel eng Dedicace an eent vu senge Wierker zeechnen ze loossen.

Keine Angst in Andersrum

Dëst ass den Titel vum Olivia Jones sengem Buch. A genau dat war och d’Ziel vun dëser Liesung: Ängscht a Virurtdeeler virun deem wat „anescht“ erschéngt ofzebauen. Dofir hate mär d’Tatta Tom agelueden, och bekannt ënnert dem Kënschtlernumm „Séraphine Mirage“.

D’Tatta Tom huet fir Erstaunen bei de jonke Nolauschtrer gesuergt an zum Nodenken ugereegt. Ass dat wat traditionell als „normal“ gëlt ëmmer gülteg? Wat ass wann een sech aneschters spiert an ausliewe wëll? A wat ass wann d’Norm op d’Kopp gestalt gëlt?

Gedëlleg a mat vill Humor huet sech d‘Tatta Tom no der Liesung alleguer de Froen vum jonke Public gestalt.

Organiséiert gouf d’Liesung am Kader vun der Independent Little Lies Produktioun „Footnotes“.

Léiwe Kleeschen, gudde Kleeschen…

6. Dezember. Den Dag vum hellegen Zinniklos. Deen Dag huet dëst Joer och ganz besonnesch an der Escher Bibliothéik ugefaangen: an zwar mat enger thematesch passender Liesung fir zwou Crèchen, déi d’Kim an eisem Kannereck, mat rouder Zipfelmutz um Kapp, gehalen huet.

Mee och déi aner Mataarbechter vum BESA-Team haten et sech net huele gelooss fir dës Geleeënheet hire schéinste Chrëschtdags-Pullover aus dem Schaf ze kromen.

Nomëttes war am grousse Liessall alles prett fir deen héije Besuch: de Kleeschen an den Houseker. A wéi eng Plaz géif sech besser eegene fir vum Kleeschen héchstperséinlech eng Geschicht virgelies ze kréien, wéi eng Bibliothéik? Gespaant hu kleng a grouss d’Geschicht vum Ieselche sengem Kaddo an nogelauschtert – natierlech kommentéiert vum Houseker, deen dem Kleeschen awer fläisseg beim Ëmbliederen assistéiert huet.

Kee vun deene klenge Besicher ass deen Dag eidel ausgaangen: eng 180 Kleeserchers-Titercher goufe verdeelt. All eenzel dovu war e Konschtwierk: agepaakt a Pabeier vum Weltbuttek a kreativ a mat vill Léift bemoolt vun de Schüler aus der Brillschoul.

Owes hu Kleeschen an Houseker sech dunn op de Wee gemaach op hiren nächsten Tour. Mär hoffen, dass si och d’nächst Joer nees Statioun bei eis an der Bibliothéik maachen!

Ghibli KonzertLesung

Am 1. Dezember wurden Calcifer, Ponyo, Arrietty und natürlich Totoro im Escher Konservatorium lebendig. Leila Schaus verstand es mit ihrer Stimme die Zuhörer sowohl auf Deutsch wie auch auf Englisch in ihren Bann zu ziehen und mit in die zauberhaften Welten Hayao Miyazakis zu entführen.

Neben den poetischen Texten von „Die kleine Meerjungfrau“ aus der Feder von Hans Christian Andersen, „Sophie im Schloss des Zauberers“ von Diana Wynne Jones, bis zu „Die Borger“ von Mary Norton waren es vor allem auch die bekannten Melodien aus „Chihiros Reise ins Zauberland“, „Das wandelnde Schloss“, „Ponyo – Das große Abenteuer am Meer, „Arrietty – Die wundersame Welt der Borger“, „Mein Nachbar Totoro“, „Kikis kleiner Lieferservice“ und „Prinzessin Mononoke“, die zu begeistern wussten.

Das Orchester setzte sich zusammen aus Martine Marx (Querflöte), Catherine Treinen (Klarinette), Yannice Faber (Alt-Saxophon ), Sebastian Botnaru (Horn), Daniel Botnaru (Trompete), Alex De Paoli (Tenor-Saxophon ), Sam Faber (Bass Klarinette) und Francesco Civitareale (Kontrabass). Die musikalische Leitung übernahm Direktor Marc Treinen.